Jowai: Kum ka jingpyntreikam ia ka hukum sorkar ba la pynmih da ka tnad Education jong ka sorkar jylla mynta ka sngi na ka liang u District Magistrate jong ka West Jaintia Hills ula pynmih ia ka hukum ha kaba iadei bad ka jingplie noh ia ki College hapoh jong ka District.
U DM ula iathuh ba baroh ki College kiba don hapoh ka District la ki dei kiba don ha Sor ne ha Nongkyndong ki la lah ban plie baroh naduh ka 1 tarik u September 2021.
La btah ia baroh ki Principal jong ki College ba ki dei ban peit bniah bha ba ki samla pule ki dei ban bud ia ki kyndon (SOPs) ba la buh da ka tnad Education jong ka sorkar jylla.