Ka Seng Federation of Khasi Jaintia & Garo People Khliehriat Circle (FKJGP-KC) mynha ka 7/03/2026 kala bat ia kawei ka Kali kit Masi beaiñ ka bym don ia u Registration No.plate ha ryngkat ka jingdonlang ki Pulit ha Kong-ong Check point jong ka Ladrymbai Police Outpost, East Jaintia Hills, hadien ba la bat ka seng kala kylli ia ki kot ki sla ban pynshisha ba kidei kiba kit katkum ka aiñ hynrei na ka liang jong u nongniah um lah ban pynshisha, bad hadien ba kim lah ban pynshisha ka seng kala aiti sha ki Pulit ban leh ia kaba Donkam.
Kaba sngew phylla ba wat haba kim don iaki kot ki sla ba biang ruh haka por mynmiet haka juh ka sngi ki Pulit kila pyllait ia katei ka kali kit Masi beaiñ khlem ka jingtip jong ka seng bad lada ki Pulit ki kam bala pyllait ia ki namar ba ki don ia ki kot ki sla babiang kata kadei tang ka jingiada jong ki bor ka aiñ bad lada ki don ki dei ki kot thok (fake Document) suda baroh ka pyrthei ka tip lut ia kata.
Ka jingkem ka seng ia kitei ki Mar beaiñ kadei hadien baka seng ka iohi manla ka sngi ia ka jingbun bha ki kali kit Masi beaiñ ban pynpoi sha Bangaladesh kiba iaid sahuh wat Mynsngi Mynshai ruh kim salia namar ba ka don ka jingiada ia ki da ki bor ka ain.
Ka seng ka ioh jingtip ba ki Kali kit Masi beaiñ ki juh siew 500 tyngka kawei ka Bolero Camper ban lait ka shah pyndik haki bor ka aiñ jong ka Ladrymbai Police Outpost kaba don ha Kong Ong East Jaintia Hills, naka rukom thep ia ki Masi sbak ha ban da khapngiah ka kali ruh la long lypa kaba beaiñ namar ba kila pynkheiñ lypa ia ka aiñ 11 PCS Act-Cruelty to Animals bad ka seng ka buh ka jing kylli da ym dei kaba beaiñ balei pat ki shim 500 tyngka bad lada ki bor ka aiñ kin ong kam dei kaba beaiñ bad kam don kum kata ka jinglum Pisa. Nakaliang ka seng ka dawa ban thung da ka Independence Inquiry ban lap ia ki jingshisha baroh, lada ki bor ka aiñ ki ia kyrsum ha ki kam beaiñ iano pat ki paidbah kin shaniah, ka seng ka panmap bad kam ong ba baroh kiba don ha ka aiñ kiba kyrsum ha ki kam beaiñ hynrei da kaba don katto katne ki langiong ka pynthoh bria pat ia kiwei.
Ka seng ka pynpaw ka jingsngewkhia ba hadien katto katne ka jingshah bat kitei ki Masi beaiñ la don ki Mafia Masi/Dalal Masi kiba ka seng kam pat kwah ban pynpaw kyrteng kiba la phone sha u President ka FKJGP-KC ryngkat ki jingmaham ba um dei ban tuklar ia ka iaid ka ieng ki kali kit Masi beaiñ jong ki.
Khadduh ka seng kam tieng iano iano ban long Nongialam kamdei kaba suk, shibun ki nongshun ki dieng pynkiang phin shem hynrei ngin ym kynrandien da dei ban shah kem ruh la long kiba la khreh ban iakhun ia ki dawbah ka Jaitbynriew bad ka seng ka maham ba nangne shakhmat ka seng kan nang pynjur ia ka jingkhynra ia ki Masi beaiñ namar ba ymtang ba ki kit beaiñ ia ki Masi hynrei kitei ki Dalal kidei ruh ki nong ialam lynti ia ki Nong Bangladesh ban iong rung tuh shapoh u pud u sam ka Jylla pynkut ka kyrwoh na u President ka Seng u bah Michal Chyrmang bad na u Secretary ka seng u bah Just Me Sana.
