Katba ka Elekshon 2023 ban jied ia ki Nongmihkhmat sha ka Iingdorbar Thaw-Aiñ ka Jylla Meghalaya ka la nangjan ki Kyrtong kiba la don jingthmu ban iakhun ia kane ka elekshon ki la pynkhreh iala ki jong ki jong ki nongrim ban khring ia ki paidbah Nongthep Vote ban kyrshan ia ki.
Ha ka 3-Raliang Legislative Assembly Constituency kumba paw ki don haduh 6 ngut ki Kyrtong (Candidate) ki ban iakhun kiba kynthup ia u ma Comingone Ymbon u Kyrtong na ka National People Party (NPP) uba long ruh u sitting MLA, ma Lakhon Biam MDC, u kyrtong jong ka Bharatiya Janata Party (BJP), ma J. Trelang Suchiang MDC kyrtong ka United Democratic Party (UDP), ma Robinus Syngkon MDC, u kyrtong ka Trinamool Congress (TMC), ma Richard Singh Lyngdoh MDC, u kyrtong shimet (Independent) bad u ma Shemhok Garod Ex-MDC u kyrtong jong ka People Democratic Front (PDF).
Kat kum ki khubor kiba la iohlum na ki shnong ki thaw jong ka constituency napdeng ki 6 ngut ki Kyrtong ka jingiakhun hi kan long hapdeng ki 4 ngut ki kyrtong kata u kyrtong jong ka National People Party (NPP) Bharatiya Janata Party (BJP), United Democratic Party (UDP) bad kaTinamool Congress Party (TMC).
Haba shim na ka sur ki paidbah nongthep vote ka 3-Raliang Legislative Assembly Constituency la ong ba ha kane ka kynti ki nongthep vote ki phai khmat sha u Kyrtong kan jong ka Party BJP ka party kaba synshar ia ka ri India hapoh ka jingialam jong u Prime Minister Norendra Modi. U Kyrtong jong ka BJP u long ruh u MDC ka Jaintia Hills Autonomous District Council (JHADC), u MDC uba iada ia ka hok jong ki paidbah ka Rilum Jaiñtia uba ieng pyrshah ia ka jingthmu jong ka JHADC ban buh toll Gate ban khrong khajna ia ki mar ki mata kiba mih na ki shnong ki thaw ki Elaka ka Rilum Jaintia bad uba pyrshah ruh ia ka jingbuh ia ka Coke Factory ha ka thaiñ Shangpung.
Haba shim na ka sur jong ki paidbah nongshong shnong jong ka Constituency ka party BJP ka don ka jingkyrmen ba ka party BJP kan jop na kane ka 3- Raliang constituency ha kane ka kynti 2023.