Ki paidbah ka shnong Lyngïong kiba kynthup ruh ia ki nongleit nongwan lyngba ka shnong Lyngïong – Tyrsad-Mawkyrwat bad Mawsynram ki la pynpaw ia ka jingbitar namar ka jingtrei torti ia katei ka surok kaba la shna mynta palat shi snem. Ka surok Lyngïong – Weiloi kadei kaba la shu shna pynbha bad pynheh na ka bynta ka thaiñ East, West bad South West Khasi Hills hynrei namar ka jingbym tikna ha ka rukom maramot katei ka surok kaba dang iaid mynta ban shna ka la jot bad khoh lut ki rong kiba dang shu dep siang 5 bnai mynshwa.
Don katto katne ki jaka kiba khlem pat lah ban pyndep bad halor katei ka jingpyntrei kaba Suki, ki paidbah ka thaiñ Lyngïong ki la dawa ba dei ban pyndep noh mardor shwa u bnai Iaiong 2025.
Halor katei ki paidbah ki la buh jingkylli ruh ba hato ka jingsniew ka surok kaba dang iaid mynta ban shna kadei na u kontraktor uba pyndonkam ia ki tiar kiba iohnong ialade ne dei ka jingtrei torti bad ka jingbym nang ki nongtrei.
