Kum ka jingpynkylla khyndiat ia ka Jingpynbna paidbah ba la dep pynmih lyngba ka No.PSD/GEN/9//2019/116, Dated 15th December, 2025, da kane la pyntip kyllum sha baroh ki paidbah bad ki nongleit nongwan ba ka jingkhang kali ha shi lynter jong ka surok hapdeng ka Laitlyngkot bad Lyngkyrdem (Chainage Kms 24+00 – 37+00) yn sa pyntreikam biang naduh ka 8 tarik u Kyllalyngkot, 2026 kaba long katkum kine ki por ba la buh.
Ha ka por mynsngi naduh ka por 11:30 AM haduh ka por 4:00 PM bad ha ka por mynmiet pat naduh ka por 9:00 PM haduh ka por 4:00 AM.
Ia katei ka jingpynbeit halor ka jingkhang kan long kaba shipor bad kaba manla ka sngi, ka ban treikam naduh ka 8 tarik u Kyllalyngkot, 2026 bad tad haduh ban da pynbna da kumwei pat.
Tang haduh ka por 11:30 mynstep, yn sa ailad ia ki kali ban jam na ki jaka sdang, kata napoh Lyngkyrden bad Laitlyngkot bad hadien kane naduh ka por 12:00 shiteng sngi, ka kompani kan sa sdang noh ia ka jingpyntrei ia ka kam shna surok.
Ki bor pyniaid jong ka Pynursla Civil Sub-Division, Pynursla ki la kyntu jur ia ki nongleit nongwan ba kin long kiba husiar haba ki iaid lyngba kane ka bynta jong ka surok bad khamtam eh ha ka por mynmiet.
Yn sa ailad tang ia ki kali kit nongpang ha kitei ki por khang bad ki lah ban pyntip lypa sha une u Phone Number: 6909217154 jong ka Pynursla Police Station na ka bynta kano kano ka jingdonkam ban pyntip ia ka kompani shna surok.
