Ka seng Meghalaya People United Front (MPUF) seng kmie mynta ka sngi jong ka 30 tarik u Nailar, 2024 ka la kner biang ia ki jingleh isynei sa sha kawei ka longïing ka ba don ha ka shnong Nangbah kaba dei ka ïing jong ka kong Wanda Pasi, ka ba shong ba sah shi por ha ka dong Lumkyndong ka office jong u Daloi Elaka Nangbah.
Ka seng ka la ai ruh ka jingiaroh ia u pa Daloi ka Elaka Nangbah ia ka jingsbun mynsiem jong u ban iarap ia ki khun ka Elaka. Ha kane ka sngi ka seng ka la kner ki jingiarap da ki tin sop ïing sha ka kong Wanda khnang ba kan lah ban sdang shna noh ia ka ïing la jong bad ha kane ka sngi la iadonlang ki dkhot jong ka Central Executive Committee naduh u General Secretary u bah Aimonbha Syad, u Finance Secretary u bah Mainlip Lathong, Publicity Secretary bah Hamwer Bhoi, Eucation Secretary bah Chalbester Maria, dkhot EC samla Juni Phawa u ba dei ruh u President MPUF San Shnong Unit bad u President Rangbah ka seng u bah D. Wanmi Laloo.
Hashwa ban aiti ia ki tin sop ïing sha ka kong Wanda Pasi la ioh ka jingkren lyngkot na u President rangbah bad la ioh ruh ka jingkren na i kong Wanda Pasi kaba dei ka nongioh ia ki tin sop ïing bad la pynkhamti pat ia ki tip sop ïing da baroh ki dkhot ka seng sha ka kong Wanda.