Mynta ka sngi ka 29/08/2023 ka Orphan Children Foundation hapoh ka jingialam jong u General Secretary Orphan Children Foundation Jaintia Hills u samla E. Dkhar ka la ioh ka lad ban bteng ban iarap marbam bad blanket ia ki khynnah khunswet kiba don ha ka shnong Pamrapaithlu East Jaiñtia Hills ha kane ka sngi la ia don lang ki ba ha ïing ha sem jong kine ki khynnah khunswet. Haba ai jingkren ki trai ïing ki la ai khublei ia ki nongialam ka Orphan Children Foundation ba ki la don ka mynsiem ban iarap ia ki khynnah khunswet.
Ha kane ka sngi la ia don lang ruh u Father & Found OCF Jaintia Hills u Bah L. Dkhar u ba dei u khlieh duh jong ka Foundation haba ai ka jingkren u Bah Dkhar u la ong ba ka Foundation hi ka kloi ban iarap ia ki khunswet kiba don kam ia ka jingiarap khamtam sha kito ki long ïing long sem ba duk bad u la ong ruh ki dang don shibun ki khynnah khunswet khamtam sha kane ka District jong ngi ka OCF hi lada ki ioh jingtip ba don ki khunswet ka kloi ban wan ai jingiarap. U la kyrpad ruh ia ki Riew rangbah ban ia trei lang bad kane ka Foundation khnang ba yn lah ban leh shibun ki kam ba bha na ka bynta ki khynnah khunswet kiba don hapoh jong kane ka District East Jaiñtia Hills bad u la ong ruh ki volunteer jong ka Orphan Children Foundation kin sa leit wad jingtip haei don ki khunswet bad kaei ka jingeh jong ki khnang ba kin lah ban pynpoi ia ka jingiarap