Kum ka lad ban iada ia ki nongshong shnong na ka jinglynshop jong kane ka khlam COVID-19 kaba dang ktah jur hapoh West Jaintia Hills District kumta u District Magistrate ula pynmih ia ka hukum mynta ka sngi ba dang hap ban bteng ia ka hukum Containment Measure kaba la pynhap ha baroh kawei ka District tad haduh ban da pynmih da kawei pat.
Kat kum kane ka hukum la bthah:-
1. Ha ki jaka iathoh shabar na ki iingmane ne jaka mane blei yn shah tang 20 ngut bad ym pat shah ban khawai, katta ruh da ka jingai jingbit na ki bor pyniaid District ne Sub-Division.
2. Kumjuh ruh ha ki jaka iap briew yn shah tang 20 ngut
3. Baroh ki iew nongkyndong kiba ju long shisien ne arsien shi taiew yn dang khang
4. Ka leit ka wan sha bar jylla yn dang pyrkhing. Lait noh kito ki kali bar jylla kiba dei iaid lyngba ka District.
5. Ki dukan ha ki iew ha Jowai kin lah ban plie tang 50% bad naduh ka por 9:00 AM haduh 6:00 PM. Ki Market Committee kin long ki nongpeit nongkhmih.
6. Ka jingplie dukan kan long naduh ka sngi Monday haduh ka Saturday tangba yn iaid da ki odd bad even number hi.
7. La khang ban shong die ha ki footpath.
8. La bthah ban don ka jingbud ryntih ia ki kyndon ka koit ka khiah kum ka jingdeng mask, ka jingpyniajngai bad ka jingbuh ia ki jaka saitkti ha ki jaka iew.
9. Ka iew dielang (Lay-By Market) kaba don ha Ialong la shah ban plie da ki Odd ba Even number naduh ka sngi Monday haduh Saturday naduh ka por 9:00 AM haduh 6:00 PM. Ki kali kit jhur kin ym lah ban rung shapoh ka nongbah Jowai.
10. Baroh ki jait kam kum ki jingshna jingtei, ki kam khaii, ki Courier Sevices la shah ryngkat ka jingbud ia ki Protocols.
11. Ha kaba iadei bad ka jingiaid jong ki kali kamai kan long hi kumjuh kat kum ka jingkut jong ki number jong ki.
12. Ki Bank, ki Post office bad Teleocom ki lah ban trei 100% bad kin khang haduh ka por 5:00 PM
13. Ka khaii khappud ha Tamabil ICP la shah ryngkat ki kyndon SOP
14. Baroh ki jait jingialang, ki jaka ai jinghikai la shah ryngkat ka jingiohbor na ki bor pyniaid District.
15. Baroh ki kali jong ki riew shimet la shah ban iaid hapoh ka District.
16. Ki jaka mane kin plie bad tang 50% na ka jingngiam ka jaka yn shah ia ki nongwan mane Blei
17. Ki jaka jngohkai ruh la pyllait bad kin treikam katkum ka kyndon ba la ai ia ki.
18. Ki jingialehkai ki bym don ka jingiadei met la shah ryngkat ka jingai jingbit. Kum ki Archery, Shooting, Cycling, Athletics and Running, Golf, Lawn Tennis, Badminton, Table Tennis, Snooker, Weightlifting and Billiards. Katba ia ki Football, Hockey, Volleyball, Basketball, Handball bad Cricket la shah shwa tang ban ai jinghikai.
19. Ka jingplie ia ki jaka pule kan long hi kumba la bthah da ka tnad Pule puthi ka sorkar jylla kaba la pynmih hukum ha ka 26.8.2021
20. Ka Night Curfew kan bteng hi naduh ka por 8:00 PM haduh 5:00 AM manla ka sngi.
21. U DM u buh ka jingkyntu ia baroh ki nongshong shnong ka District ban long kiba husiar bad bud ryntih ia ki kyndon ka koit ka khiah khnang ba yn lah ban iada na kane ka khlam COVID-19. Lada lap ia kiba pynkheiñ kyndon yn pynshitom katkum ka aiñ section 2 of the Epidemic Diseases Act, 1897.