Mynta ka step jong ka sngi Saitjaiñ kawei ka trok kit dewiong ka la kylla ha u surok bah Shillong-Jowai ha Wahmynsoo hajan ka shnong Mookyndur bad ka jingduhnoh jong kawei ka trok kitmar marjan. Kane jingjia kala wanrah ia jingsahkut ki kali ki nongleit nongwan lyngba utei u surok haduh ba la thoh ia kane ka khubor kata haduh ka por 11:00 baje mynta ka miet.
Ha ka jingiadei bad kane ka jingkylla jong kane ka trok na ka liang ka kynhun Pulit ki la leit poi sha katei ka jaka ban pynbeit ia ka iaid ka ieng jong ki kali. Hynrei la katta ruh kim lah satia ban teh lakam ia kane ka jingsahkut Kali. Kane kala warah ka jingsohsat kaba jur ia ki paidbah nongleit nongwan namar ba hap ban sahkut da ki bun bun kynta.
Na ka liang ki paidbah nongleit nongwan kila buh ka jingkyntu ia ki bor ba dei peit ba kin leh ia kaba donkam.
