Ki Seng Nongniah kali hapoh ka Shatri Meghalaya Tourist Taxi Association, mynta ka sngi 9 tarik Nailur 2024 ki la mih shakhmat ban sdang da kaba teh lama ïong ha ki kali kamai kiba don ha shillong bad ha kylleng ki District jong ka jylla shitaiew lynter kaba sdang naduh mynta ka sngi kata 9 tarik Nailur 2024 haduh 14 tarik Nailur 2024 halor ka jingbymshai ka sorkar haba iadei bad ka jingdawa jong ki halor ka jingioh rung laitlan ki kali tourist Assam sha ka jylla Meghalaya.
Haba kren sha ki lad pathai khubor na ka liang u President jong ka Meghalaya Tourist Taxsi Association u Bah Recaldinus Dohling u la ong ba ka jinsdang teh ia ki lama iong ha ki kali kamai,ha shillong bad kylleng ki District jong ka jylla ka long kum shi bynta ban pyni sha ka Sorkar ba kum ka kynhun ki dap da ka jingsngewsih halor ka jingleh mynthi ka Sorkar, namar ka jingiohlad ban rung ki Kali Assam ka long kumba wan knieh ia ka jakpoh jong ki nongniah kali kamai ki trai jylla.
Shuh shuh u la pyntip ba kim pyrshah ia ki kali Assam, hynrei ka sorkar ka dei ban buh da ia ki kali Assam shi jaka ym dei ban ailad ban rung sha ki wei ki jaka ba khring ia ki nongjngoh kai. Ka sorkar ka dei ban ailad ia ki kali Tourist na ka jylla ban ialam ia ki tourist kiba wan kai sha kane ka jylla Meghalaya kumba leh kiwei ki jylla khnang ban im japoh na kane ka kam.
