Ka klob Shillong Lajong kaba dei ruh ka lahduh jong kane ka lympung Shillong Premier League (SPL) ha u snem 2019 ka la ïai mad ia ka jingjop mynta ka samoi na 4 tylli ki jingïalehkai ba la pynlong da ka Shillong Sports Association (SSA).
Ha katei ka jingiakhun ka Lajong ka la lah ban pynliem ia ka Ryntih FC da 3-0. Ka jingialehkai ka la long kaba kham noh shiliang bad la sakhi ba ka Lajong ka la ioh ban ñion bad shim kabu naduh ka kylla step. Tang hapoh 14 minit ka Lajong ka la ioh ban pynkhih jar lyngba u Kynsaibor Lhuid katba ia ki ar kol la ioh ban thep ha ka kylla miet lyngba u Deibormame Tongper (73) bad u Yohan Benjamin (80).
Ha kane ka samoi, ka Lajong ka dang iai bat ia ka kyrdan ba nyngkong, kata da ka jingioh 10 poiñ katba ka Ryntih ka dang sahkut 3 poiñ na 4 tylli ki jingïalehkai.
Ka jingiakhun na ka bynta kane ka lympung kan bteng biang ha ka 13 tarik Naiwieng ha kaba ka Sawmer SC kan iakhun pyrshah ia ka Nongthymmai SC, ka Langsning FC pyrshah ia ka Ryntih FC.