Mynta ka sngi ka 14/ 09/2023 ka Orphan Children Foundation (OCF) hapoh ka jingïalam u Asst. Office Secretary u samla P. Sungoh ki la ïoh ka lad ban bteng ban ai jingïarap ïa kiba duna dkhot met (Disability) da ki marbam ha ka shnong Rtiang West Jaiñtia Hills.
Ha kane ka sngi la ïa sakhilang da kiba ha ïing ha sem jong kine kiba duna dkhot met, haba ai jingkren u bah Sungoh ula kyntu ïa kine ki briew ba kim dei ban duh mynsiem wat lada ki don ha pdeng ka jingduna ha ki bor dkhot met ruh namar kin ïoh kajuh ka hok ka juh ka jingmyntoi hapoh ka im lang sahlang, ula kyntu ruh ïa kiba ha ïing hasem jong ki ba kim dei ban ñiew beiñ ïa ki.
Ha kane ka sngi la ïa synran lang da u Samla E. Sajem uba dei u Volunteer OCF lem bad ki katto katne ngut ki Volunteer na West Jaiñtia Hills.
Katba u Founder jong ka Orphan Children Foundation Jaintia Hills u bah L. Dkhar ula ai ka jingkitbok kitwiang ïa kine ki briew ba duna dkhot met (Disability) lyngba u Asst. Office Secretary West Jaiñtia Hills ba kin ïoh ia ka met ka phad ka ba koit ba khiah. La pynkut ka kyrwoh na u General Secretary OCF Jaiñtia Hills u samla E. Dkhar.
