Ka Krishi Vigyan Kendra (KVK), West Jaiñtia Hills, ha ka 3 tarik u Jylliew kaba dei ka sngi ba san (5) jong ka prokram ‘Viksit Krishi Sankalp Abhiyan’ kila leit ban ai jinghikai ïa ki nongrep ka District kynthup ïa ki 9 tylli ki shnong hapoh ka Thadlaskeiñ and Laskeiñ C&RD Block.
Kine ki shnong ki kynthup Mootyrchiah-A, Mootyrchiah-B, Mookaiaw, Mynso-B, Kyndontuber, Chyrmang wah, Chyrmang neiñ bad Mihmyntdu kiba hap hapoh ka West Jaiñtia Hills baroh ki nongrep kiba la wan ïashim bynta ki don haduh 882 ngut.
Na ka liang ki dkhot kiba leit ban ai jinghikai sha ki nongrep la pynbynta ha ki lai kynhun ka Team-1, Team-2 bad ka Team-3 ha ryngkat ki Scientist, ki ophisar bad ki nongtrei ka tnad ka rep ka riang.
Ha kane ka prokram, la ïa jinghikai ïa ki nongrep naduh ka rukom rep ïa ki jait soh, ka rukom ai dawai ïa ki jingthung ka rukom pynïaid ïew ïa ki mar rep, ka rukom ri ïa ki jingri, nalor kiwei kiwei de kiba long katkum ka jinghikai jong ka juk stad mynta (technology).
La batai ruh shaphang ki skim bapher bapher jong ki nongrep kiba lah ban ïoh na ka sorkar kum ka PM-KISAN, PMFDY, State rice mission, plant protection scheme including IPM, Organic Manure scheme bad SMAM, ka skim Subsidy jong ki symbai (75%), sohlah (50%), u sying (75%), PM-FME, MOVCD, Vegetable development scheme, Fruit Development Scheme bad kiwei de.
