Kum ka jingbteng ia ka Office Order hapoh ka kyndon 144 Cr PC, No. Gen. 179/Pt V/CA/MU/NGT/2023/131, Dt. 7/08/2023 bad ka jingpyntreikam ia ka jingbthah jong ka ophis Joint Secretary Government of Meghalaya Forests & Environment Department ban pynthymmai biang ia ka hukum jong ka ïingbishar Meghalaya High Court katkum ka Order jong ka PIL No. 10 of 2019 Dt. 03.10.2023, na ka liang jong u District Magistrate ka West Jaiñtia Hills District, Jowai ula pynmih biang ia ka kyndon 144 Cr. PC ban mana bad iada na ka jingleh ia ki kam beaiñ ha shilynter ka Wah Myntdu bad ki rud jong ka.
Kane ka hukum kala khang pyrshah ia ka jingpom ia ki dieng ki siej kiba don ha syndah jong ka Wah Myntdu, ka jingsait Jaiñ bad ka jingsait Kali ha ka Wah, ka jingpyllang ia ki jakhlia ba lang ne ba long-um bad la mana ruh ban pynhap ia ki jakhlia kiba mih na ka jingshna ia ki surok sha ki bynta jong ka Wah Myntdu.
Kane ka hukum ka khang ruh ia ka jingkhlong shyiap bad maw napoh Wah bad na ki rud wah ha baroh shilynter ka Wah Myntdu.
