Ka Meghalaya Aids Control Society (MACS) ha ka 12 Tarik u Nailar 2024, ka la plie ia ka International Youth Day Intensified IEC Campain 2024 kaba long ha U Soso Tham Auditorium, Shillong.
Ha kane ka sngi la plie pyrda ia ka Intensified IEC Campain 2024 da ka Myntri ka Koit ka khiah ka Dr Mazel Ampareen Lyngdoh ha ka jingiadon ryngkat lang ki dkhot ka Meghalaya Aids Control Society, ki Ophisar Ka tnad ka Koit ka khiah, ki khynnah Skul Ki Nonghikai bad kiwei kiwei de kiba shah khot sngewbha.
Haba ai jingkren kum ka kongsan ka Dr Ampareen Lyngdoh ka la ong ban im bad u khniang HIV Aids ka long kaba eh, hynrei na ka liang ka Sorkar kan iarap katba lah ia kito ki briew kiba ioh ia une u Khniang HIV lane Aids.
Shuh shuh ka la kyntu ia ki samla ban pynsaphriang ia ka khubor sha kiwei pat halor ka jingpang HIV khnang ban lah ban ai jingiada bad ban tehlakam ia ka jingsaphriang une u khniang jingpang.
Ka Dr Ampareen Lyngdoh ka la ia wer ia baroh ki Paidbah ba kin wan shakhmat ban test ialade khnang ban tip ialade ki don ne em ia une u khniang jingpang HIV.
Ka Dr Ampareen ka la kyntu ruh ia ka Meghalaya Control Aids Society ban wad ia ki briew kiba don ia u ne u khniang jingpang HIV lane Aids khnang ban lah ban ai ka jingsumar kaba biang naka bynta jong ki.
