[Photo : Alan West]
Ka Meghalaya State Pollution Control Board (MSPCB) kala pynmih ia ka hukum ha kane ka sngi Thohdieng ba la lah ban bthah ia ka Project Management Unit- Mylliem kaba dei ka bynta jong ka company ban pynshna ia u surok na Shillong-Dawki, ban sangeh syndon ban pyntuid ia ki jaboh sha ki bynta jong ka Wah Umngot.
Ha ka hukum ba la pynmih da u Chairman ka MSPCB u R.Nanamalai ula pynjari katkum ka kyndon 5 jong ka Environment (Protection) Act, 1986 ha kaba u la bthah ia katei ka Project Unit ba kan bud katkum ki kyndon jon ka Standard Operating Procedure (SOP) kiba la pynmih ha u bnai March 17 tarik, 2025 bad la btah ban weng noh shisyndon ia ki jaboh kiba pyntuid sha ka Wah Umngot.
Ia kane ka hukum la pynmih hadien ba la pynlong ia ka jingjurip ia ki jaka ba pyntei da ka company National Highways and Infrastructure Development Corporation Limited (NHIDCL) ha ki bynta jong u surok Shillong-Dawki ha ka sngi Thohdieng ba la lah.
Na ka liang ka MSPCB kala btah ia ka Project Management Unit-Mylliem ba kan ai ia ka kaiphod kloi katba lah ia kaei kaba kala dep ban leh halo kane ka hukum ba la ai ia ka.
