Ka tnad ba dei peit ia ka jinglong jingman jong ka mariang hapoh ka jylla ka State Disaster Management Authority (SDMA), Shillong ryngkat bad ka India Meteorological Department (IMD) mynta ka step kila ai ka jingbthah sha ki nongshong shnong ka Jylla Meghalaya ba kynthup ia ki katto katne ki District ban long kiba husiar na ka jingwan lynshop jong u lapbah bad ka jingtied pyrthad ha ki katto katne ki bynta.
Ki District kiba lah ban shah ktah ha kane ka jinglyngshop mariang ki kynthup ia ka Eastern West Khasi Hills, East Jaintia Hills, East Khasi Hills, Ri Bhoi, South West Khasi Hills, West Jaintia Hills bad West Khasi Hills District.
Ka jinghap jong u slap ka lah ban long malu mala ha ki katto katne ki bynta bad ka lah ruh ban jur bha ha ki katto katne ki bynta la iathuh shuh shuh ka khubor.