Halor ka jingsaphriang ha ki rynsan Social Media jong kawei ka dur kaba la shon da u ne ka nongthep kane kala poi shaduh ka jingtip jong u Chief Election Officer (CEO) ka jylla u bah F.R. Kharkongor. Kumta na ka liang jong u CEO khlem da pynslem ula bthah noh mardor ia u District Election Officer uba dei u Deputy Commissioner jong ka Ri-Bhoi District ban pynlong ia ka jingtohkit bad ban pynshitom ia kiba donkti.
Katkum ba paw ba katei ka dur kaba la pynsaphriang ha ki social media ka dei kaba la shon ha ka Polling Station jong ka 35-Shiliang Umdoh kaba hap hapoh ka 8-Mawhati Assembly Constituency AC.
Hadien ba u DEO un pyndep ia ka jingtohkit la bthah ba pynshitom ia kito ki Polling Officer kiba dei na katei ka Polling station, kumjuh ruh ia u ne kato kaba leh ia kane ka kam, ka ba long pyrshah ia ka aiñ thep vote jong ka ri India.
U CEO ula bthah ba ia ka kaiphot dei ban pynpoi khlem pep sha u hapoh ka 3 tarik mynta u bnai.