Shi bynta na ka jingpynlong ïa ka Meghalaya Games 2025 bad ban lait na kino kino ki jingthut haka liang ka leit ka wan jong kiba bun ba lang na ka liang u Deputy Commissioner ka West Jaintia Hills bah B.S Sohliya, IAS, ula bthah ïa baroh ki nongshong die ha ki lynti ïaid kjat ban kin kynriah noh mardor na kitei ki jaka naduh ka 13 tarik u Kyllalyngkot 2025.
Ïa kane ka hukum la pynmih ruh hadien ka jingïoh ujor jong ki nongshong shnong kiba ïaid lynti na ka daw ka jingthut ka leit ka wan na ka jingdon kitei ki jingshong die jingdie ha rud surok bad bunsien kala wanrah ïa ka jingjia aksiden ba khah khah ha ki bynta ka surok Iawmusiang.
