U Deputy Commissioner & Chairman District Disaster Management Authority, East Jaintia Hills District, Khliehriat mynta ka sngi u buh ka jingkyntu ia baroh ki paidbah kiba dei iaid lynti lyngba u NH-6 ba kin long kiba husiar bha khamtam ha ki bynta jong u surok naduh ka shnong Sonapyrdi haduh ka shnong Malidor, nalor ka jingtwa khyndew ha kiba bun ki bynta jong une u surok bah.
U DC u la ai ka jingbthah ia ki paidbah ba kim dei iaid sha ki jaka ba don ki wah, ne ki jaka ba shlei um bad ba long them khnang ban iada na kano kano ka jingjia ba sngewsih.
U la kyntu ruh ia ki paidbah ba lada don kino kino ki jingjia ba sngewsih ki dei ban pyntip mar mar sha ki bor pyniaid District, ki Police station ba marjan, lane sha ki BDO khnang ban ioh leit pynpoi ia ki lad jingiarap sha kito ki jaka.
U DC ula iathuh shuh shuh ba ula dep btah ia baroh ki tnad sorkar kynthup ia ka Polce, PWD, MeECL, Water Resources Department, Block Development Officers, Health, Civil Defence, Fire and Emergency Services, NHAI, Cement Association ba kin long kiba husiar bad kiba kloi ban leit pynpoi jingiarap haba jia kino kino ki jingjia.