Na ka por sha ka por, la ju iai pynmih ia ka hukum da ki bor Pulit ba ki nongñiah 2 shaka bad 4 shaka ki dei ban kiar na kaba pyndonkam ia ki tyndong pynheh jingsawa kiba pynduh ia ka thiah ka dem, ia ka jingjai jai jong ka sawdong sawkun bad khamtam ha ki jaka sumar (Hospital) hynrei kane ka hukum ka treikam tang shipor.
Kumta na ka liang u Superintendent of Police (SP) ka East Khasi Hills District, u Bah S. Nongtnger u la pynkynmaw ia ki nongñiah 2 shaka bad 4 shaka ban kiar na kaba pyndonkam ym tang ia ki tyndong pynheh jingsawa hynrei kiba pyndonkam ia ki light ki bym iahap ha ka por mynmiet, ki kali kiba pyndonkam ia ki īit ïong, bad kiba pyndonkam ia ki siren ha ki kali shimet.
U la ong ba la maham tyngeh ia kino kino kiba pynkheiñ ia kine, yn pynshitom katkum ka aiñ.