Ka Russia’s Luna 25 ka dei ka lieng haw-haw kaba la phah da ka ri Russia ban leit kiew sha u bnai na ka bynta ban jurib ia ka jinglong jingman jong u Bnai, khamtam ha ki bynta ba shathie (South Pole) jong u. Hynrei kyndit kynsan kane ka lieng haw-haw kala bthei noh mynta ka sngi hadien ka jingiatakhuh syndet bad u Bnai iathuh ka khubor na ka Roscosmos kaba dei ka Space Agency jong ka ri Russia.
Ka ri Russia kala pynher ia ka Russia’s Luna 25 ha ka 11 tarik mynta u bnai da ka jingkhmih lynti ban poi sha u Bnai ha ka 24 tarik mynta hi u bnai bad da ka jingthmu ruh ban long ka ri ba nyngkong eh ban poi sha ki bynta ba shathie jong u Bnai. Hynrei dei mynta ka sngi na ka daw jong ka jingbakla iaid tawiar ia u Bnai kane ka lieng haw-haw kala leit ban iatyngkhuh pynban bad u Bnai ha ka por ka bym pat dei por, kumta kala btei noh.
Na ka liang ki nongpyniaid jong ka ri Russia Space Agency kila pynbna mynta ka sngi ba kane ka Mission jong ki la long kaba shah rem (Failled), hadien 47 snem ba ka ri jong ki kala wan kiew sha u Bnai.