Ka Jaiñtia National Council (JNC), Western Zone mynta ka Sngi ka la leit ban buddien biang haka DMHO halor ka jingkhlad ka kong (L) Pynche Bareh, kum ban shu pynkynmaw haka 4 tarik June 2025 ka kong Pynche Bareh ryngkat bad i khunlung hapoh ka kpoh jong i ki lah khlad noh haka MCH hospital Jowai naka daw ka jingleh sting jong ki nong trei kane ka hospital kiba dei duty ha kato ka por.
Ka seng haka 5 tarik June 2025 ka la leit ban ia kynduh bad ka DMHO bad lah ai ruh ryngkat bad ka jingthoh ban dawa ban leh daka jingtohkit halor ka jingleh sting kine ki nongtrei kane ka hospital bad ban pynshitom tyngeh ia ka jingleh kine ki nong trei haduh ba lah poi shaduh u pud ban duh noh ia 2 ngut ki mynsiem ba kordor, bad lah dawa ruh ban pynioh iaka jingbishar kaba hok ia i kong (L) Pynche Bareh dakaba shim jingkitkhlieh iaki khun jong ka kiba ka lah ieh khunswet shadien ha baroh ki liang.
Haka jing buddien biang ka seng mynta ka sngi naka DMHO ka lah ong ba ha u ne u bnai ba lahdep hadien ba lah dep wan kylli ka seng iaka report, ka DMHO kala Ong ba ka lah thoh biang bad ka lah phah biang shaka DHS ban Pynkynmaw biang iaki khnang ban pynkloi iaka jing iarap ha kane ka long ïing. Bad I lah kular ruh iaka seng ba hapoh kane ka 15 tarik u ne u bnai yn ai iaka jubab da kaba shim khia ruh ban iakren bad kibor kiba halor.
Ka seng ka la dawa ruh ba iaka inquiry kaba lah dep leh daka sorkar ha kine ki bnai kiba lah dep, la dei ban pynbna paitbah noh iaka report haki lad pathai khubor .
Ka seng ka lah maham ruh ba lada kim lah shimkhia ia kane ka kam kumba ka DMHO ka lah kular ban ai ka ka rai hapoh ka 15 tarik u ne u bnai ka seng kan sa shim da kawei ka lynti ban leh da kaba tyngeh pynkut u president ka JNC Western zone.
