Ka kong L. Khynriam ha ka Dorbar Lyiur jong ka Jaiñtia Hills Autonomous District Council (JHADC) kaba la long mynta ka sngi, kala buh jingkylli na kaei ka daw ba pynlong ïa ka council ban suki palat ka rukom pynïoh (issue) ïa ki Land Holding Certificate (LHC) sha ki nongaplai. La ai ïa ka jubab da u u Dy. CEM ma L. Rymbai ba kam shym la don kano kano jingslem ban issue ïa ki LHC.
Shuh shuh ka kong Khynriam kala kylli don mo ka jingsiew kum ka TA/DA ïa ki land Recorder ka Council kiba leitthew ïa ki jaka, la ïoh jubab haoid ka don ka jingsiew, kumta kala buh jingkylli balei pat kiba bun na ki briew ki hap ban siew na lade ïa katei ka bai leit thew, na ka liang u Dy. CEM ula kren shai lada don kino kino ba pan ne kiba shim dor, ka Council kan sa pynshitom shi syndon ïa ki.
Ha kaba ïadei bad ka bhah pisa ba ka Council kam pat ïoh na ka sorkar jylla lyngba ki marpoh khyndew (major bad minor), la jubab da u CEM ba ka pisa kaba dang sah ka long na ki Major T.17,82,52,740 tyngka bad na ki Minor ka long T.18,22,07,785 tyngka baroh ka long T.36,04,60,525 tyngka.
