Ka dorbar shnong Demthring, West Jaiñtia Hills ruh ka la buh da ki kyndon aiñ haka jingiadei bad ka Election MLA 2023.
Kine ki kyndon ki kynthup; ba uno uno u Candidate uba wan canbas (campaign) Election hapoh ka Shnong Demthring, la mana ba kim bit ban ialam paidbah hapoh Shnong ha ka por ba long Public Meeting hynrei la shah ia ki tang 5 tylli ki kali rit ba synran lang.
Ki nongkren jong ki Candidate ki dei ban kren tang ia ka nongrim bad ki jingthmu babha jong u Candidate jong ki bad ba kim dei ban kynthoh ne kynnoh kulmar khlem ka nongrim kaba biang pyrshah ia kiwei pat ki Candidate lane ki Party.
La mana pyrshah ruh ia ki briew kiba nabar shnong khamtam ki briew kiba nabar jong ka Constituency ba kim dei ban wan rung hapoh Shnong poh thaw lane sha ki iing ki sem khlem da ioh jingbit na ka Dorbar Shnong ha kum kine ki por Elekshon MLA 2023.
Lada jia ba lap ia kino kino kiba pyrshah ia kine ki kyndon kiba la kdew haneng, yn pynshitom ia ki kat kum ka Aiñ Shnong.