Ha kane ka sngi Saitjaiñ na ka liang u Chief Minister jong ka Jylla u Conrad K. Sangma ula ioh ban buh maw nongrim na ka bynta ban shna ia ka ophis Building jong ka Chokpot Sub-Division ha South Garo Hills kaba la ap khmih lynti la slem bha da ki nongshong shnong ka thaiñ.
Ha kane ka juh ka sngi u Conrad ula buh maw nongrim ruh ia ka jingpynbha bad pynheh ia ka surok na 12 Mile lyngba ka nongbah Tura shaduh sha Chokpot ha ka jingjngai kaba 35 Km.
Na ka liang u Chief Miniter ula pyntip ba ka sorkar kala mang kumba T.50 klur na ka bynta ban shna ia ki surok ki ban shna thymmai bad la mang T.4 klur na ka bynta ka jingtei ia katei ka ïing ophis trei kam ka Sub-Division ha Chokpot.
Ula ong ruh ba kum ka sorkar Jylla hapoh ka jingialam jong ka NPP kala buh ia ka thong ban pynlong ia ka Jylla ban poi ha ka kyrdan ba 10 jong ka roi ka par ha ri India hapoh kine ki 10 snem ban wan.
Shuh shuh u la ong ba na ka liang ka sorkar kala shim ia ka rai bad da ka jingsngewskhem ban wanrah ia ka roi ka par jong ka jylla ha baroh ki liang. U ong ba kin ym don kino ki thaiñ hapoh ka jylla ki ban shah ieh khunswet ha kane ka jingpyrshang ban wanrah ia ka roi ka par.