Mynta ka sngi u Myntri Rangbah ka jylla u Conrad K Sangma ula buh mawnongrim na ka bynta ban tei ia ka Integrated Block Development Complex kaba don ha Nongstoin, West Khasi Hills.
Ha kane ka sngi la iadonlang ruh u Myntri ba dei peit ia ka C&RD u bah Hamletson Dohling bad ruh u MLA ka thaiñ u bah Macmillan Byrsat.
Na ka liang jong u MR ula sam ruh ia ka jingiarap pisa sha ki nongrep Tit hapoh ka skhim Meghalaya Mushroom Mission bad ruh sha ki Producers Group hapoh ka skhim FOCUS.
U Conrad haba kren u ong ba ka sorkar ka don jingthrang ban pynpoi ia ki lad pynroi sha baroh ki kyndong kynshrot jng ka jylla. Ka jingioh ia kane ka ophis treikam ha Nongstoin kan iarap shibun ia ki paidbah jong kane ka thaiñ.
Ula pynkynmaw ruh ba na ka liang ka sorkar kala mang pisa haduh Rs.3 Klur tyngka na ka bynta ban pynbit pynbiang ia ki jingdonkam jong ki 46 tylli ki Block hapoh ka jylla.
Ula ong ruh ba ka sorkar ka kwah bha ban kyntiew ia ka ioh ka kot jong ki kynthei hapoh ka jylla.
Shuh shuh ula ong ba ka sorkar kala pyllait haduh Rs.300 klur tyngka sha ki SHG kiba don hapoh ka jylla hapoh kine ki saw snem. Ha kaba 4.5 lak ngut na kine kine ki dkhot ki dei ki kynthei.