Ka JSU Seng Kmie ka pynpaw ia ka jingsngew bynñiaw bad ka pynrem jur ia ka jinglong arsap u Myntri Rangbah ka jylla u Conrad K. Sangma namar na ka por shaka por u leit ban kynduh ia u Amit Shah sha Delhi um juh kren ne dawa na ka sorkar India ban pyntreikam noh iaka ILP hapoh ka jylla bad kane ka pyni shai kdar ba u Conrad um don mon satia ban pyntreikam ia ka ILP hapoh ka jylla bad um sùidniew satia ruh ia ka sur bad ka jingdawa u paitbah ka Bri u Hynñiewtrep ban pyntreikam iaka ILP hapoh ka jylla.
Ka seng JSU ka la ong ruh lyngba u samla Treibor R. Suchen, General Secretary, ba ka jingleh u Conrad ka long ka bym lah ban pdiang namar la shu pass iaka resolution ka ILP hapoh ing Dorbar Thawaiñ kadei tang ban pynpjah iaka jingiakhih ki sengbhalang bad ki paitbah ka bri u Hynñiewtrep ban dawa iaka ILP ha ki snem kiba lah dep bad mynta kane ka sorkar hapoh ka jingialam u Myntri Rangbah ka jylla u Conrad K Sangma um don por ban iakren iaka mat ILP bad u Home Minister ka ri India hynrei u la pynlut por ban leit sha Delhi ban iakren iaka kam khalai hapoh ka jylla bad ka ri India hi baroh kawei.
Ka seng kan ym sngap jar iaka ne ka jingleh kuman ka sorkar bad kan sa shong pyrkhat bad kiwei ki paralok sengbhalang bad shen yn sa lum sa lang iaki nongsynshar shnong bad Elaka ha ryngkat u paitbah ban dawa jur ban pyntreikam iaka ILP hapoh ka jylla la bynrap u President ka seng u samla Jersom Shylla.