Mar ia sdang kem pang Khieshohrieh (Malaria) ia kiba bun ki Nongshong shnong jong ka Moorap, Laher, Umsalait, Mooriap bad kiwei de ki shnong ha ka Thaiñ Labang Elaka u Doloi Nangphyllut, ban iada ia ki briew na kane ka jingpang Khieshohrieh (Malaria), ki riewrangbah ka thaiñ ki la wan ud sha ka Tnat Sorkar ka Meghalaya kaba dei peit ia ka koit ka khiah ka West Jaintia Hills District, phewse kane ka jingud jingnam kam shym la treikam.
Ki shnong kiba dang don hapdeng ka jingiakhajia pud hapdeng ka Jylla Meghalaya bad ka Jylla Assam. Namar ba ki dang dei ki shnong ba dang ha ka jingiakhajia pud, ki long ki shnong kiba la shah iehnohbeiñ da ka Sorkar Meghalaya bad na ka Sorkar Assam. Ka jingbymioh jingiada ki nongshong shnong na ka Sorkar ban iada na kane ka jingpang Khieshohrieh (Malaria) bun ki Mynsiem ki la khlad na kine ki shnong bad kane ka jingpang Khieshohrieh ka dangbteng haduh mynta.
Katno ka long ka jingpangnud (what one break heart) ban iohi ia ki nongpang la jan man la ki thliew iing. Ki nongwan jngoh ia ki nongpang ym tang ba ki iohsngew ia ka jingud jong ki nongpang, ki iohsngew ruh ia ka jingud ki Shyieng kiba la khlad na ki Tpep bad na Lumjyngtep ba ki shu khlad ym pat dei por tang na ka daw ba kim ioh jingiada (ki Dawai ki Dashin) na ka Tnat Sorkar kaba dei peit ia ka koit ka khiah ban iada na kane ka jingpang Khieshohrieh (Malaria).
