Ka Synjuk ki Waheh Chnong Jowai, hapoh ka jingialam u Tresurer jong ka Synjuk u ma D. H. Pde uba long ruh u Waheh Chnong ka Chnong Chilliangriaj, ha ka jingiadonlang u H.C. Dkhar Waheh Chnong Mooralong, ma Emlang Lyngdoh Waheh Chnong ka Caroline, u Assistant Waheh Chnong ka Lion Club, hynne ka step, ka Synjuk ki Waheh Chnong Jowai kum shi bynta ka jingaiburom ia ka mei mariang ki la pynlong da ka jingthung dieng naduh na Chahtngit haduh hajan jong ka jingkieng Pamblah.
Ha kane ka jingthungdieng ka Synjuk ki Waheh Chnong Jowai, ka la ioh ban thung haduh kumba 65 tylli ki tynrai dieng, kiba kynthup ia ki jait dieng Shampa, Sashram bad ki tynrai dieng Puma. Na ka liang ka Synjuk ki Waheh Chnong Jowai, ka kyntu ia baroh ki nongshong shnong ba kin bud ia kane ka nuksa kaba bha kaba dei na ka bynta ka lawei jong ka jingdonkam ki briew na ka bynta ban ioh ia ka lyer ba khuid bad kiwei de ki jingmyntoi na ki dieng ki siej.
