Hynne ka sngi ka 27 Risaw 2925, ka All Primary School Teacher Association (APSTA) hapoh ka jingialam jong u General Secretary Bah F.C. Shullai ki la leit ban ïakynduh ia u Commissioner and Secretary ka Jylla u Vijay Kumar Mantri na ka bynta ban iakren halor ka hukum ba la pynmih da ka Supreme Court ha ka 1 Nailur 2025.
Kum ban shu pynkynmaw, ka Supreme court ka la bthah bad pynmih ia ka hukum ba baroh ki Nonghikai Skul ki dei ban pyndep ia Teacher Eligibility Test (TET), bad kino kino ki bym pyndep ia katei ka jingpule dei ban hiar na ka kam lane ki nongpyniaid skul ki dei ban weng mardor lait noh ia ki Nonghikai kiba la jan kut ka rta, kata hapoh 5 snem.
Nalor katei, ka APSTA ka la buh ruh 11 tylli ki mat jingdawa sha u Mantri kiba kynthup ia 3 tylli ki mat ba kongsan, kata ban ioh jingshai halor ka jingthep pisa jong ki Nonghikai ha ka CPF, ban ym pynlong exkam ia ki khynnah Pre-Primary haduh Klas 2 bad ban kyntiew tulop ia ki Nonghikai.
Hadien katei ka jingiakynduh, na ka liang u Bah Shullai u la iathuh ba u Commissioner & Secretary u la kular ban shimkhia halor kitei ki mat jingdawa.
