Ka KSU East Jaiñtia Hills District ha ka 14 tarik mynta u bnai ka la leit ban iakynduh bad buh ruh da ka jingthoh jingujor ha u Deputy Commissioner ka East Jaiñtia Hills District halor ka jingshah kyntait ki katto katne ki khun samla ban rung kam ialade kum ki Home Guards ha ka thup pynrung kam ba la pynlong da ka Civil Defense & Home Guard Department.
Ka KSU EJHDU marsien ioh jingtip halor kane ka la leit mar mar ban iakynduh ia u DC ka East Jaintia Hills District ban pynsngew halor kane ka jingbymshai ka rukom thungkam jong katei ka tnad. La pynpaw ruh ba kam don ka jingmih ia ka advertisement halor kane ka jinglait kam ha kino kino ki kot khubor hapoh ka jylla (Local Newspaper).
Kaba pynlyngoh shuh shuh ia ka seng ka long ba wat u DC ruh ba dei u khlieh ka District ruh um shym la tip ia kane ka jingthung kam ha katei ka tnat sorkar. Kumta ka seng ka dawa na u DC ba un wad bniah halor kane bad bad tuklar syndon khnang ban yn lah ban wanrah ia ka jingthungkam ba khuid ba suba bad ba ki samla ka thaiñ kin nym duh ia la ka jong ka hok.
Naka liang u DC u la kular ban shimkhia mardor halor kane ka mat bad ban pynbeit ia ki jingdonkam.
Pynkut ka khubor ba la phad da u Publicity Secretary ka KSU EJHDU u samla Hamewanpynhun Ryngkhlem.