Hadien ka jingjia ia i heprit Insaphira Lyngdoh bad u Heprit Kyrshanbor Kharmudai na ka liang ka BJP Meghalaya ka pynpaw ia ka jingsngewkhia namar ka jingshong suk shngaiñ ha ka jylla kam don shuh.
Haba kren sha ki lad pathai khubor na ka liang u General Secretary ka BJP Meghalaya u Wankitbok Pohshna u la ong hadien ka jingjia ia kine ki heprit bad ka jingshimsting ki bor pyniaid district, kumta na ka liang ka BJP Meghalaya ka dawa na ka Sorkar ban weng noh ia ka Deputy Commissioner ka East Khasi Hills Kong RM Kurbah bad ban wanrah da ki ophisar kiba lah ban treikam ban pyniaid bad ban wanrah ia ka shongsuk shongshngaiñ ha ka jylla.
Nalor kata u la ong ha kine ki sngi ki Kmie ki Kpa ki sheptieng ban pynmih ia ki khun wat tang ha ki phyllaw ïing ruh namar kat nang mih ki sngi ki jingjia ha ka jylla ka la nang sniew bad na ka liang ka sorkar ka dei ban weng noh ia ka Deputy Commissioner ka East Khasi Hills bad ban wanrah da ki ophisar kiba lah ban trei khnang ba ka jingsuk jingshonhshngaiñ ha ka jylla kan wan biang.
