Ka KSU Employment Monitoring Cell mynta ka sngi ka 26 tarik Naitung 2024 ka la leit iakynduh ia u Chairman ka MPSC halor ka kynrum kynram ka rukom thungkam MCS jong ka Meghalaya Public Service Commission (MPSC).
Haba iakren sha ki lad pathai khubor U Samla Reuben Najiar u Nongialam ka KSU Employment Monitoring Cell u la ong ba kane ka jingleh jong ka MPSC kam dei shuh ka sien nyngkong ka dei kaba la ju jia na ka por sha ka por khamtam ha ka Civil Service kaba long kaba kongsan eh na baroh bad u la pyntip ruh ba kane ka kynrum kynram hapoh jong ka MPSC, ka la pyndom shisha ia ki Samla kiba iakhun ia ki exam bapher bapher na kane ka office MPSC namar ba kam long shuh kaba khuid ba suba kat haduh kine ki sngi ba mynta, la kynthoh utei u nongialam ka KSU EMC.