Ki paid nongshong shnong ka Nongtalang pyllun ki pynpaw ia ka jingsngewsih bad jingsngew bynniaw jur halor ka jingthut treikam ba khah khah ki artylli ki Network Mobile kiba don hapoh shnong bad kita kidei jong ka Airtel bad Jio.
Kane ka jingthut treikam khah khah kine ki artylli ki network ka wanrah ia ka jingduhnong kaba khraw iaki paidbah, khamtam ha kum kine ki por ba ki khynnah pule ki pyndonkam ia ka internet ban leh online class, bad naka liang jong ka shnong Nongtalang Mission ka lah juh ujor man ka por halor ka jingthut treikam kine ki artylli ki network, hynrei kitei ki company kim shym la shim khia ei ei.
Te na ka liang jong ki nongshong shnong ka Nongtalang ki buh ka jingkyrpad ia ki bor ba dei peit ia kine ki artylli ki network ba kin sngewbha ban shim khia bad ban pynbiang ia ka jingtreikam kine ki network.