Ka Ri-Bhoi DCA kala jop da 172 runs ïaka West Jaiñtia Hills DCA da 172 ha ka jingïalehkai jong ka Under-16 Boys Inter District Cricket Tournament 2025 (Zone-1) kaba la long mynta ka sngi 29 tarik Ïaïong.Ïa kane ka lympung la pynlong daka Meghalaya Cricket Association (MCA) ïa kaba la pynïaid daka West Jaiñtia Hills District Cricket Association (WJDCA) ha Madan Thad, Mukhla Mission,West Jaiñtia Hills District.Ka jingïalehkai mynta ka sngi ka la long kaba noh shiliang hapdeng ka RBDCA pyrshah ïa ka WJHDCA, ha kaba ka RBDCA ka la jop da 172 runs. Ïa ka jingkynting toss la jop da ka RBDCA ka bala kam trai ban tied shuwa. Ka RBDCA haba leit tied nyngkong kala kamai 224 runs na ki 50 overs bad liem 9 wickets. U Soham Shah u la long u nongtied ba paw mynta ka sngi napdeng ki nongtied jong ka RBDCA da kaba tied marwei 77 runs na ki 78 balls ryngkat ar tylli ki Six (6s) bad 9 tylli ki Fours (4s). U Nobojit Chetri u la tied 61 runs na ki 63 balls bad u Anmol Shah pat u la tied 48 run na ki 60balls. Ki nongkawang ball jong ka WKHDCA, U Felix Lamare ula ïoh khur u 3 wickets na ki 7 overs, u Wansuklang Pala bad u Sebastian Rongngi ki la ïoh khur mar 2 wickets marwei, u Waibhami Ryngkhlem bad u Nathaniel Syngkon, ki la ïoh khurmar 1 (Shi) wickets marwei.Ka WJHDCA ha ka pali jong ka ban beh ïa ka thong,ki nongtied jong ka kila kyllon uwei hadien uwei na ka daw ka jingtbit palat jong ki nongkawang ball jong ka RBDCA bad ki lah ban tied tang haduh 52 runs bad hap lut baroh 10 wickets ha ka overs kaba 23.5. Napdeng ki nongtied jong ka WJHDCA dei tang u Meroily Lytan 19 (36). Ki nong kawang ball iong ka ka RBDCA, U Anmol Shah marwei ula ïoh khur 5 wkt na ki 8 overs, u Maxborn Sangmabad u Nobojit Chetri kila ïoh khur mar 2 wickets, u Keshab Shah shi wicket.Ka jingïalehkai ha ka sngi Wednesday 30-04-2025 kan long hapdeng ka WKHDCA pyrshah ïaka EJHDCA naduh ka por 8 baje shiteng mynstep.