-3 kol khyrwit u Hesmiki Rymbai ka Rymbai Iawpynsing-
Ka jingialehkai phutbol jong ka Meghalaya State League (MSL) 2023, Jowai Zone (B) kaba la pynlong ha madan Kiang Nangbah Stadium Jowai, mynta ka sngi 23.05.2023 ka jingiakhun kala long hapdeng ka Rymbai Iawpynsing SC pyrshah iaka Sein Pynbhalang SC, ha kaba ka Rymbai Iawpynsing SC kala jop haduh 5-1 kol ia ka Sein Pynbhalang SC.
Haba phai sha ka jingïakhun kala long kaba noh shilliang bha ha kaba ka Rymbai Iawpynsing SC kala ñion tyngeh ia ka kynhun jong ka Sein Pynbhalang SC, ha kaba ka Rymbai Iawpynsing SC kala ioh ban thep haduh 5 kol. Ha ka jingïakhun hapdeng kine ki ar kynhun na ka liang ka Rymbai Iawpynsing SC kala ïoh ban pynkhih ïa ka jar lyngba u Hesmiki Rymbai uba la ioh ban thep haduh lai tylli ki kol kita ha ki minit kiba 5, 82 bad 84, bad ia ki ar kol pat la thep da u Obadaia Bareh ha ka minit ba 19 bad u Niwan O Bareh ha ka minit kaba 72. Katba ia ka shi kol jong ka Sein Pynbhalang SC la ioh ban thep da u Paiabanteilang Bhoi ha ka minit kaba 90+1 jong ka jingialehkai
Ka jingïakhun ban long lashai ka sngi (Wednesday) 24.05.2023 kan long hapdeng ka Ladthadlaboh SC pyrshah iaka Mulait United FC ha ka por 2 baje shiteng nohphai sngi.