Ka jingialehkai phutbol jong ka Meghalaya State League (MSL) 2023, Jowai Zone kaba la pynlong ha madan Kiang Nangbah Stadium Jowai, mynta ka sngi 30.05.2023 ka jingiakhun kala long hapdeng ka Rangdajied United FC pyrshah ia ka Mulait United FC, ha kaba ka Rangdajied United FC kala jop haduh 5-0 kol ia ka Mulait United FC.
Haba phai sha ka jingïakhun kala long kaba theh shilliang ha kaba ka Rangdajied United FC kala ïoh ban thep haduh 5 kol ia ka Mulait United FC. Ki nongialehkai ka Rangdajied United FC kiba la ioh ban thep ia ki kol ki kynthup ia u Wansiewdor Nengnong uba la ioh ban thep 2 tylli ki kol ha ka minit ba 21 bad 90+3 jong ka jingialehkai kumjuh ruh u Knerki Talang Buam uba la ioh ban thep 2 kol ha ka minit kaba 58 bad 63 jong ka jingiakhun bad sa kawei pat ka kol la ioh ban thep da u Basuklang Bina ha ka minit ba 45+2 jong ka jingialehkai.
Ka jingïakhun ban long lashai ka sngi Wednesday, 31.05.2023, kan long hapdeng ka Sein Pynbhalang SC pyrshah iaka Youth Club Pdengkarong ha ka por 2 baje shiteng nohphai sngi.