Ka PHE XI kala lah ban pynliem ia ka 3rd MLPBN XI da 6-1 kol ha ka jingialehkai phutbol jong ki nongtreikam sorkar kaba la tip kum ka ‘8th U Kiang Nangbah Memorial Inter Office Football Tournament-2021’ ba la pynlong da ka Meghalaya State Government Employees’ Federation Sports Committee Jaiñtia Unit mynta ka sngi ha madan Kiang Nangbah Stadium Dongmihsngi Ladthadlaboh, Jowai.
Na ka liang ka kynhun jong ka 3rd MLPBN XI ka la wan ban ïa aireng pyrshah ïa ka PHE XI bad ha ka jingïakhun ka PHE XI kala lah ban pynliem syndon ïa ka 3rd MLPBN XI da 6-1 kol.
Ïa ki 6 tylli ki kol jong ka PHE XI la ioh ban thep da u Endingborn Lyngdoh haduh lai kol marwei kata ha ka minit kaba 5, 26 bad 29, bud sa ka kol na u Timmy Ryngkhlem ha ka minit ba 53, u Embolden Phawa ha ka minit ba 72, u Sanhame Bareh ha ka minit ba 80+1, katba ïa ka shikol na ka liang ka 3rd MLPBN XI la kum thep bakla da u player ka PHE XI u Roskil Challam ha ka minit ba 42.
Ka jingïakhun lashai ka sngi 19.11.2021 ka long hapdeng ka MeECL XI pyrshah ïa ka (WJHD) Police XI ha ka por 10:30 mynstep.
