Ka Khasi Students’ Union (KSU) Namdong Area Unit kan pynlong ia ka jingsam khusnam kaba yn tip kum ka “1st Maitshaphrang Excellence Award 2021” na ka bynta ki samla pule ba pass shakhmat ha ka SSLC & HSSLC Examination 2021 ha ka 06 tarik u November 2021 ha Hall Madansari Namdong-B.
Ha kane ka juh ka sngi kan don ruh ka jingpynkup burom kyrpang ia ki Nonghikai ka thaiñ kiba la shongthait na ka kam.
Ka jingthmu jong ka KSU ban sam khusnam ka long ban ai mynsiem bad kitbok kitrwiang shuh shuh ia ki samla pule ka thaiñ ba kin jam shaphrang bad ban jop ha ka pule puthi.
Kane ka long katkum ka kyrwoh khubor na u Juhhi Tariang, General Secretary ka seng.