Ka JNC Central Executive Committee ha ka kyrwoh na u President Rangbah jong ka u bah Sambormi Lyngdoh ka la pynbna shisyndon da ka Black Flag Rally ha kane ka 6 Tarik u March 2025 ha East Jaiñtia Hills District ha Khliehriat kaba long ruh ka Headquarter ka District ban pyrshah jur ïa ka railway kaba thmu ban wanrah ha Ri Jaiñtia.
U President ka JNC ula ong ba imat ka sorkar kam shym ïoh por ban peit ïa ki jingthoh bad na ka liang jong ka seng ruh kam kwah shuh ban shu pynpaw ïa kano kano ka sur lyngba ki lad pathai khubor ha ka jingïadei bad ka railway bad yn sdang noh da ki jingïakhih.
Kane ka rally kan long ka dak jong ka jingpyrshah ïa ka railway ryngkat ki Lama iong, bad kumta ka seng ka khot bad wer ïa ki paradoh parasnam ki ba heh ki ba sian ki khun samla kynthei shynrang ka Ri Jaiñtia khamtam ïa ki para sengbhalang ba kin sngewbha ban pynlait ïa ka por ba kordor ka jong phi ban wan sha kane ka rally ban pyni ïa ka jingïatylli kum ki nong Jaiñtia kiba pyrshah jur ïa ka jingwanrah ïa ka railway hapoh ka Ri Jaiñtia.
Ka Rally kan sdang najan ka skul Holy Family English School Khliehriat bad yn pynkut haduh ha ophis u DC bad ruh kan don ka jingïalang ba lyngkot ha khmat u mot sahnam jong u Woh Kiang Nangbah.