Ka EJNC-Khliehmyntriang Unit hapoh ka jingialam u President u bah Lektor S. Dkhar kala ioh ban kner jingiarap da ka (machine) Brush Cutter Damier sha ka Balang katholik Jalyiah.
Ka EJNC ka pynpaw ba kane ka long kum shi bynta ban iarap ia ki jaitbynriew Hynniewtrep, ka seng ka la pyrshang ban lehbha katba lah ka bor. U bah Lektor haba ai jingkren u la pynpaw ia ka jing kmen haba ka seng kala lah ban pynioh jingiarap ia ka balang Katholik Jalyiah bad u la ong ruh ba ka seng ka pdiang sngewbha ia ki briew kiba kwah jingiarap na ka seng.
Ia ka jingialang la pyniaid da u Secretary ka Balang u Hamlet Dkhar ha ka jingiadon lang u Rangbah Maurice Phawa bad ki dkhot jong ka balang Shnong bad katno katne ngut ki nongialam ka EJNC-Khliehmyntriang Unit bad u Rangbah Maurice Phawa uba la ai jingkren bad pynpaw ia ka jingsngewkmen kaba khraw ia ka ka Seng EJNC bad ka Balang kala kloi ruh ban duwai lem naka bynta ka seng khang ba kan lah ban treibha nangne shakhmat. U la kitbot kitrwiang ruh ia ka seng da ka ba ong “Im slem EJNC-Khliehmyntriang Unit”. La pynkut ka kyrwoh na u Arts and Culture Secretary u bah Iodimitrik Dkhar.
