-90% la dep ban shna ïa ki jingker sainar ha ki khappud-
U Myntri Rangbah ka Jylla, Conrad K. Sangma, hynne ka sngi ka 7 tarik Nailar 2025 u la iathuh ba ka Sorkar jylla ka don ia ka jingsngewkhia halor ka jingiohrung pathar ki briew na kiwei ki jaka ha kane ka Jylla, bad ha kaba iadei bad kane ka mat, la shim da ka rai ban pyntreikam da ka buit kaba thymmai ia kaba yn sa pynshai hadien kaei kane ka thong ba thymmai ba ka Sorkar ka don.
Ha kaba iadei bad kane ka bynta, u Myntri Rangbah u la iathuh ba la dep ban iakren bad u Amit Shah Myntri ba khmih ia ka Tnad Kam Pohïing. Shuh shuh u la pyntikna ba la dep ruh ban iakren halor ki jaka khappud (India-Bangladesh) kynthup ruh ia ka jinglong jingman hapdeng ka Assam – Meghalaya.
U Sangma u la ai ruh ia ka khubor kaba shai ba ka jingshna ia ki jingker sainar ha ki jaka khappud la dep 90% bad kaba sah mynta (10%) ka dang don hapdeng ka jingkren namar ka jingwit hapdeng ki trai khyndew bad ki trai shnong.
