Ka ophis jong u Deputy Commissioner (Election), West Jaiñtia Hills ha ryngkat ka jingïatreilang bad ka Jaiñtia Hills Adventures and Cycling Association mynta ka step kila kila pynlong ïa ka ‘Cycle Rally’ halor ka phang kaba ong ‘Pedal for Participative Elections’ kaba la sdang na Lad College Kiang Nangbah Govt College, Jowai.
La ïathuh ba ka jingpynlong ïa kane jingñiah ‘Cycle Rally’ ka long shi bynta na ka SVEEP (Systematic Voters Education and Electoral Participation Programme) bad kumjuh na ka pynmih ïa ka Draft Electoral Roll jong ki nongthep vote ba pura.
Ïa kane ka Cycle Rally la wan ban kaweh lama da ka Additional Deputy Commissioner kong D.D. Syngai na Lad College bad ïaid na surok Ladthadlaboh- Newhill- Iawmusiang- Mynthong-Khimusniang-Chilliangraij-Lumkyrwiang-Iongpiah-Loomiongkjam-Panaliar-Dulong-Lad wah Nangbah-Iawmusiang-Moosalyngkat pynkut ha District Sports Office.
