Ha ryngkat ka thong na ka bynta ka bha ka miat ki samla, ka Meta ka la pynlong ïa ka jingīatai kaba la tip kum ka ‘Talking Digital Suraksha for Teens’ ha Shillong, ha ka jingïatreilang bad ka 1M1B. Īa kane ka rynsan ki kmie ki kpa- ki nonghikai la pynlong ban wanrah ka jingshemphang halor ka Meta kata ha ki sienjam ban ïada (online safety) bad ai jingtip ban hikai ïa ki samla ban long phikir ha ka pyrthei online.
Kane ka rynsan ka la ïathir halor ki lad ki lynti ban ai bor īa ki kmie ki kpa ban sngew skhem ban hikai ïa ki khun samla ha ki khat-rta ban pyndonkam ïa ki smartphone bad ki tiar ki tar- kynthup ka rynsan Meta, ryngkat ka jinglum jingtip na ki kmie ki kpa bad ki nonghikai halor ki jingkynthoh jong ki ïa ka jingpyndonkam ki samla īa ki rynsan ‘social media’ bad ki kam lyngba ka online. Ha ka miej ïatai la īa shim bynta da ka kynhun jong ki nonghikai bad ki kmie ki kpa na ki 10-15 tylli ki skul ha ka nongbah ban ïoh jinghikai bad jingïada ha ka jingïaid lynti ki samla bad ka social media. Ka Meta ka la pynshai ïa ki kmie ki kpa bad ki nonghikai shaphang ki tiar bad ki bynta da ka Meta kiba lah ban ïada ha kaba pyndonkam ïa ki rynsan social media.
Haba kren halor kane ka rynsan, ka Natasha Jog, Director, Public Policy in India, Instagram, ka la ong, “Ngi don ka jingthmu ban wanrah ka jingïada na ka bynta kiba pyndonkam bad ai jinghikai ban phikir na ki jingma (online harm) lyngba ki Apps. Ka The Digital Suraksha Roundtable ka long ban ai jinghikai hapdeng ki kmie ki kpa bad ki nonghikai ïa ka jingdonkam ka jingïada kiba don ha ka rynsan jong ngi ki ban ïarap ban poi sha ka thong. Ka long ruh kum ka kabu ksiar ban ïoh ïa ki jingai jingmut kiba lah ban kyntiew shuh shuh ha ki lad pyntreikam jingïada. Ngi ngeit ba ki kmie ki kpa bad ki nonghikai ki don ka bynta kaba khraw ban ïalam lynti ïa ki samla ha ka jingïaid lynti bad ka social media. Lyngba ki jingïatai ha kylleng ka Ri India, ngi lah ban pynsngewthuh ïa ki samla ban nang ban husiar haba pyndonkam ïa ki kam online”.
Kum shi bynta ka jingïaid lynti ban wanrah ka jingshngaiñ (safety ecosystem), ka Meta ka la pynlong ïa ka ‘Digital Suraksha Summit’ ha u snem ba la dep, īa kaba la pyntreikam ban ïada haba pyndonkam online na ka bynta ki samla kynthei bad shynrang. Ka Meta ka pynbna ruh ba ka don ïa ka jingïatreilang bad ka Department of Electronics, Information Technology, Biotechnology and Science & Technology (ITBT), Government of Karnataka ban ai bor ïa ki samla pule ha ki skul bad kolej, ki nonghikai ban ïoh jingtip, ki jinghikai bad ka pule puthi online kaba shngaiñ haba pyndonkam kum ki nongshong shnong.
Ha ki lai snem ba la dep, ka Meta ka la pyllait paidbah palat 50 tylli ki tiar (safety tools) bad ki bynta treikam ban pynpoi sha khmat ha kaba ai jingïada (online safety). Dang shen na ka bynta ka jingshngaiñ ki samla khat-rta, ka ‘Night Nudges’, kaba pynshlur īa kiba pyndonkam ban khang ïa ka Instagram App haba pyndonkam palat ha ka por miet, kumjuh ka ‘Quiet Mode’, kaba ïarap ïa ki samla ban teh lakam ïa ka por kaba pynlut ha Instagram bad ïa kaba ki ïohi. Shuh shuh ryngkat ka bynta treikam Instagram’s Parental Supervision, ki kmie ki kpa ki lah ban peit īa ki account ba ki khun ki bud bad kiba bud ïa ki bad kham long don bynta ha kaba pyndonkam online. Ka Family Center jong ka Meta ka ai ka lad ïa ki kmie ki kpa bad ki samla khat-rta ban bud dien ïa ki jingtip bad kumno ban pynïaid da kaba shngaiñ ha ki rynsan.