U Myntri ka tnad Animal Husbandry & Vertinary ka Sorkar Jylla u Bah A.L. Hek ha ka 27 tarik Lber 2025 u la lum ia ka jingialang ia ka kynhun Meghalaya Poultry Farmer & Welfare Association ban ia kren halor ki bun ki mat kiba ka kynhun ka iakynduh jingeh.
Haba kren sha ki lad pathai khubor na ka liang u President u Bah Diminot Sylliang u la ong ka jingwan sha ka jingialang bad u Myntri ka tnad ri Jingri ka dei halor ka jingkynduh jingeh halor jingwan kane ka khlam pang syiar. U la pyntip ha kiwei ki Jylla ki lah dep ban khang ia ka jingwan ki syiar na kiwei kiwei pat ki Jylla. U la bynrap ka jingthmu jong ka kynhun ri Jingri ka long ban kyrpad sha ka sorkar ba kane ka jingpang kan nym wan ha ka Jylla bad kiba bam doh ruh kin ioh bam ka doh kaba biang.
Na ka liang u Adviser ka Meghalaya Poultry Farmers & Welfare Association u bah William Diengdoh haba kren bad ki nongthoh khubor u la iathuh ba ka Sorkar ha kane ka jingïalang ki la shim ia ka rai ban buh da ki District Tasks Force ka ban peit da ka AH&Veterinary Department ban iada ia na kane ka khlam Jingpang bad ban pynshong shngaiñ ia ki Nongri jingri bad ruh ia ki nongbam doh.
U la bynrap ruh da kaba ong ba kum ka kynhun ka iohi ba ka sorkar ka la shim khia bad kan trei kam noh mardor. U la ong ba ka sorkar ka la shim khia ban peit pyrman ia ki kali kit syiar kiba wan rung shapoh ka jylla, ym tang na Byrnihat hynrei na ki wei ki lynti ruh kumjuh.