Kum shi bynta ban nohsynniang ha ka imlang sahlang khamtam ban iarap ia u duk u suk, ka JHDS ha ryngkat ka jingkyrshan ka KHUBLEI Germany kila aiti ia kawei ka ïing ba lah dep shna ia kawei ka longing baduk kaba don ha ka Shnong Mihmyntdu, West Jaiñtia Hills District. Ia kane ka ïing la noh synniang da kawei ka long ïing jong ka Hannelore bad U Dieter na ka Ri Germany bad la pynshna bad pynbit pynbiang da ka Jaiñtia Hills Development Society (JHDS) kawei na ki Seng treimon Sngewbha ha rilum Jaiñtia.
Ia kane ka ïing ba la dep shna bha ryngkat bad katto katne ki tiar ba donkam kiba kynthup ia ki Shuki Sofa, 2 tylli ki palong, 10 tylli ki stole, ka duli ka miej la aiti noh sha ka kong Lumbiang Sana ryngkat bad san ngut ki khun ba dangrit, da ka JHDS ha ka 01-08-2024.
Shuwa ban aiti ia kane ka ïing, la don ka prokram ba lyngkot ba la pyniaid da u bah Denis Kurkalang, Co-ordinator ka JHDS ha ka jingiadonlang u Father Manbha Pakem, Director ka JHDS ryngkat bad kiwei de ki Nongialam ka Balang Katholik Mihmyntdu.
Shuwa ban ot ia u ribbon la ioh ka jingduwai kyrkhu kyrdoh da u Fr. Hilarius Lamare, u Parish Priest ka Jowai Parish ryngkat ka jingsynran lang u Fr. Simeon Sungoh, uba long u GB Member ka JHDS. Ha kaba kut ka prokram, ka Kong Lumbiang Sana ka la ai khublei ia ki nongiarap, kyrpang eh ia ka JHDS kiba la shim ia kane ka sienjam ban pynioh ia ki kane ka ïing ba paka namar baroh shikatta ki la shu shong ha ka ïing ba la jot bha.