Mynta ka Jaintia Iasiat Khnam Kiang Nangbha Memorial Society (JIKKNMS), hynne ka sngi 30 tarik u bnai Nohprah ka la pynlong ia ka jingrakhe ia ka jingdap ba 161 snem jong ka sngi iap u Khlawait ka Ri-Lum Jaintia U Kiang Nangbah, la rakhe ia ka mynta ka sngi ha madan Madiah Kmai Blai kaba don ha Syntu Ksiar jong ka Wah Myntdu.
Ha kane ka sngi ka kong Santa Mary Shylla MLA ka Sutnga Saipung ka long kum ka kongsan, ha ka jingiadon lang u ma A. Lakiang Joint Secretary Governor Secretariat, Raj Bhawan Shillong, ma Riquma Laloo, ma Saron Paswet MDC JHADC bad kiwei de kiba la shah khot sngewbha
Ha kane ka sngi na ka liang ka kongsan Santa Mary Shylla MLA ka Sutnga Saipung lem bad ki dkdhot ka JIKKNMS, ki seng bhalang ka Ri-lum Jaintia kiba kynthup ia ka JSM, JSU, JYF, HNAM central Body, HITO, MPUF, HYC, AHPUF, HNYM, BAMJH bad kiwei de kila wan ban buh syntiew ha trai jong u mot Kiang Nangbah ha rud jong ka thwei Syntu Ksiar.
Ha kane ka juh ka sngi ha East Jaintia Hills District, Khliehrait ruh ka Jaintia National Council (JNC) bad kiwei ki la pynlong ia ka jingbuh syntiew ha trai u Mot u Woh Kiang Nangbah ha jan ka ophis u DC Khliehriat.
