ka Seng Hynniewtrep Youth Development Council (HYDC) East Jaintia Hills District ka la pynbna ban pynlong da ka jingiaid paidbah ban pyrshah halor ka jing thied jaka beaiñ Jong ka Shree cement ha Elaka Nongkhlieh East Jaintia Hills District.
Ia kane ka la pyntip da u bah Mihsalan Thoo President ka HYDC East Jaintia Hills District.
Ka jing pyrshah jong ka seng ia kane ka jing wan ka Shree cement ban Pynlong ia ka public hearing ha Daistong ha ka 19 tarik u Nohprah 2025, ka dei halor ka jingujor ki nongshong shnong ka shnong Daistong ban pyrshah bad pynduh pyndam noh shi syndon ia jing angnud ka Shree cement ban buh ia ka plant ha Elaka Nongkhlieh.
Ka seng ka khot ka wer ia baroh ki paidbah ban ia poi lang ha ka jingiaid paidbah pyrshah ia ka jing lilam beiain ia ka khyndew ka shyiap ka ban sdang naduh ka Shnong Dkhiah bad pynkut pat ha ka jaka ba don u Mot Jong U U Woh Kiang Nangbah, ha jan ophis Jong u Deputy Commissioner ka East Jaintia Hills District. Ia kane ka rally yn Pynlong ha ka 16 tarik u Nohprah 2025 ha ka por 12 baje nohphai sngi.
