Ka Jaiñtia Students’ Movements (JSM) lyngba u President Rangbah ma Leningstar Rymbai ka khut sngewbha ïa baroh ki nongshong shnong hapoh ka Laskeiñ Block bad na kiwei de ban wan sha ka ‘Jingïalang Paidbah’ ban pynsngew sha ka sorkar ban pynïoh noh da ka Civil Sub-Division Civil na ka bynta ka thaiñ Laskeiñ.
Ïa kane ka jingïalang Paidbah yn pynlong ha ka 30 tarik u Nailar 2025, haka por 10 baje mynstep ha madan Football Mukhap, Laskeiñ Block, West Jaiñtia Hills District.
Ka jingthmu jong kane ka jingïalang Paidbah ka long na ka bynta ban pyni pyrthei ïa kawei ka sur jong ka jingtylli ban dawa jur na ka Sorkar halor ka jingdonkam jong ki paidbah Lakseiñ Block ïa ka Civil Sub-Division.
Ka JSM ha ryngkat ka jingïatreilang bad ki paidbah nongshong shnong ka Laskeiñ Block, ka khot sngewbha ruh ïa kino kino ki kynhun treimon sngewbha kiba najan bad najngai, ki Dorbar Shnong hapoh ka Laskeiñ Block, ki paidbah nongshong shnong naduh ki khun samla, ki riew rangbah, ki sengbhalang, ki riewkhraw pyrkhat, nalor ki nongmihkhmat bad kiwei de ban ïadon bynta lang ha kane ka Jingïalang Paidbah.
Ka jingwan ïashim bynta ka jong baroh kan wanrah ïa ka jingïatylli na ka bynta ban ïoh ïa ka Civil Sub-Division hapoh ka Lakseiñ Block.
